Chest Workout #2
කලින් ලිපියේ අපි කතාකලා පපුව කියන්නේ මොකක්ද ඒ වගේම පපුවේ තියන පේශි වර්ග මොනවද කියලා .අද අපි බලමු පපුවට තියන ව්‍යායාම මොනවද කියලා ඒ වගේම ඒ ව්‍යායාම කරන්නේ කොහොමද කියලා .
පළවෙනි ලිපිය
දෙවැනි ලිපිය
පැරලල් බාර් ඩිප්ස් (Parallel Bar Dips)
ව්‍යායාමය බලපාන්නේ- මේ ව්‍යායාමයෙන් මූලිකව වෙන්නේ පපුවේ පේශි වර්ධනය කිරීමයි .දෙවනුව ට්ර්යිසෙප්ස් වලට ව්‍යායාම වෙනවා. මේ ව්‍යායාමය ඩික්ලයින් ප්‍රෙස් ව්‍යායාමයට සමානයි .මුලින්ම මේ ව්‍යායාමය ඇඟේ බර යොදාගෙන තමයි කරන්න වෙන්නේඇඟේ බර මේ ව්‍යායාමයේදී දැනෙන්නේ නැත්නම් කකුල් දෙකෙන් ඩම්බෙල් එකක් හිර කරගෙන මේ ව්‍යායාමය කරන්න .
ව්‍යායාමය කරන්නේ-මුලින්ම පහත දැක්වෙන මැශින් එකට යන්න .ඒ මැශින් එකට නැගලා මේ රූපයේ වගේ අත් කෙලින් කරලා ඉන්න .දැන් හිමීට පුලුවන් තරම් පහත් වෙන්න .ආපහු ඉස්සෙන්න .මේ ව්‍යායාමය කරනකොට කකුල් දෙක නවලා තියාගන්න එකෙන් ඇග පැද්දෙන එක නතර වෙනවා .
මැශින් ප්‍රෙස්( Machine Press)
ව්‍යායාමය බලපාන්නේ- මේ ව්‍යායාමයෙන් පපුවේ පේශි වර්ධනය කරනවා.මේ ව්‍යායාමය මැශින් එකක් යොදාගෙන කරන නිසා තමයි මැශින් ප්‍රෙසස් කියන්නේ .මේ මැශින් එක භාවිතා කරන නිසා වාසි ගොඩක් තියනවා .උරහිස් වලට අමාරු තියන අයට ව්‍යායාම කරන්න හැකි වීම .ඒ වගේම ව්‍යායාමය කරද්දී වැනෙන එක නැති වීම වගේ දේවල් .මේ එක මැශින් එකකින් පපුවට කරන ප්‍රධාන ව්‍යායාම 3 ම කරන්න පුලුවන්
මැශින් බෙන්ච් ප්‍රෙස්
ඉන්ක්ලයින් මැශින් ප්‍රෙස්
ඩික්ලයින් මැශින් ප්‍රෙස්
ව්‍යායාමය කරන්නේ-මේ ව්‍යායාම කරන්නේ අනිත් ව්‍යායාම කරන ක්‍රමයටම තමයි .වෙනසකට තියෙන්නෙ මැශින් එකේ ව්‍යායාම කරන එක තමයි .
ඩම්බෙල් ෆ්ල්යිස්(Dumbbell Flys)
ව්‍යායාමය බලපාන්නේ- මේ ව්‍යායාමයෙන් කරන්නේ පපුවේ පේශී වර්ධනය කරන එකයි .දෙවනුව පපුවේ පිටත පේශිය වර්ධනය වේ .
ව්‍යායාමය කරන්නේ-ඩම්බෙල් දෙකක් අරගෙන ෆ්ලැට් බෙන්ච් එකක නිදාගන්න .කකුල් දෙක සම්පූර්ණයෙන් බිම තියන්න .වැනෙන්න තියන්න එපා .දැන් ඩම්බෙල් දෙක අරගෙන උඩ තියන පින්තූරයේ තියන විදිහට උඩට අරන් තියාගන්න .ඊට පස්සේ ඩම්බෙල් දෙක පපුවේ මසල් එක හොඳට ඇදෙනකම් හිමිට පහත් කරන්න.ඩම්බෙල් දෙක පහත් කරද්දී අත් දෙක පොඩ්ඩක් නවන එකෙන් උරහිස් සන්දි වලට වෙන බලපෑම ගොඩක් අඩු වෙනවා .ආපහු ඩම්බෙල් දෙක උඩට අරන් ලන් කරගන්න .ආපහු දෙපැත්තට පහත් කරන්න .
ඉන්ක්ලයින් ඩම්බෙල් ෆ්ල්යිස්(Incline Dumbbell Flys)
ව්‍යායාමය බලපාන්නේ- මේ ව්‍යායාමයෙන් පපුවේ ඉහල කොටසට ව්‍යායාම වෙනවා .
ව්‍යායාමය කරන්නේ-මේ ව්‍යායාමය ඩම්බෙල් ෆ්ල්යිස් ව්‍යායාමය වගේම තමයි කරන්නේ .වෙනසකට තියෙන්නේ මේ ව්‍යායාමය ඉන්ක්ලයින් බෙන්ච් එකක කරන එකයි.මුලින්ම ඩම්බෙල් දෙක අරන් ඉන්ක්ලයින් බෙන්ච් එකේ ඉදගන්න .දැන් පිටිපස්සට හේත්තු වෙලා ඩම්බෙල් දෙක උස්සලා ගන්න .අල්ල ඇතුලට තියෙන්න ඕනේ .ඩම්බෙල් දෙක පහත් කරද්දී මසල් එක හොඳට ඇදෙනකම් පහත් කරන්න .
ස්ටෑන්ඩින්ග් කේබල් ක්‍රොස් ඕවර්ස්(Standing Cable Cross Overs)
ව්‍යායාමය බලපාන්නේ- මේ ව්‍යායාමයෙන් පපුවේ ඇතුලු කොටසට ව්‍යායාම වෙනවා .මේ ව්‍යායාමය මේ මැශින් එකෙන් කරද්දී තියන වාසිය තමයි නිතරම මසල් එක ඇදිලා තියන එක.ඒකෙන් මසල් එක
ඉක්මනට වර්ධනය වෙනවා .
ව්‍යායාමය කරන්නේ-මුලින්ම මැශින් එකට ගිහින් උඩ තියන පුලියේ තියන ක්ලිප් දෙක අල්ලලා ඇදලා ගන්න.දැන් ඉන්න තැනින් කේබල් එක ඇදෙන තරමට ඉස්සරහට එන්න .දැන් කේබල් එක ඇදලා
මේ රූපයේ තියන විදිහට අත් දෙක එකට ලං කරන්න .ආපහු හිමීට මසල් එකට ඇදෙනකම් පිටිපස්සට අත් දෙක කරන්න.අත් දෙක ආපහු ඉස්සරහට කරද්දී පොඩ්ඩක් නවලා ආපහු අත් දෙක ඉස්සරහට ගන්න
0 comments:
Post a Comment